Jop ka CYC Mowkaiaw iaka NEAU CA da 45 run haka District Cricket League ka WJHDCA

Syllad | The Rising MeghalayaApril 18, 2024

Ka Cultural Youth Club Mowkaiaw kala jop da 45 run pyrshah iaka Northeast Adventist University Cricket Club haka District Cricket League kaba pyniaid da ka West Jaintia Hills District Cricket Association (WJHDCA) kaba long ha madan Khliehtyrshi haka 17 tarik Iaiong.

Ka Northeast Adventist University Cricket Club kaba la jop iaka toss kala ailad iaka Cultural Youth Club Mowkaiaw ban tied shuwa ha kaba kala lah ban buh iaka thong kaba 184 run naka 32.5 over.

U Ardakirang Rymbai ula tied 67 run naki 66 bol, katba na ka liang NEAU u Rikku T Sangma ula pynhap 3 wicket naki 7 over.

Haba beh iaka thong ka NEAU kala lah ban tied 138 run naki 32.5 over bad liem lut baroh ki wicket.

U Sengman M. Marak ula tied 65 run naki 72 bol, katba na ka liang ka CYC u Regardful Lapasam ula pynhap 4 wicket naki 6.5 over.

Iaka nam ‘Man of the Match’ la ioh da u Regardful Lapasam jong ka Cultural Youth Club Mowkaiaw.