Jop ka Chutwakhu 7 wickets iaka Umshangiar haka open to all T20 Cricket Tournament ka AJCA, shen yn sdang sa ka U-19

Syllad | The Rising MeghalayaFebruary 21, 2022

Ka Chutwakhu SC kala jop da 7 wickets pyrshah iaka Umshangïar  haka sngi sdang iaka Open to all T20 Cricket Tournament ka All Jaintia Cricket Association (AJCA) kaba long ha madan Jrisalein, Chutwakhu, Jowai haka sngi Nyngkong.

Ha kane ka jingkhun ka Umshangiar kala jop iaka jingkynting pisa ne ka top bad kala kam trai shuwa ban tied. Ka Umshangiar kala kamai 164 run naka 20 over bad liem 7 wicket.

U Dauru Lato u nongtied ka Umshangiar ula khyrwit 50 run naka 42 ball bad u Emdor Sutnga ula ioh khur 3 wicket na ki 4 over.

Haba la poi ka pali ka Chutwakhu ban beh iaka thong kala kamai 169 hapoh 16.1 over bad liem 3 wicket.

U Bhuvnesh Kumar marwei ula synniang sha u sup u thiar kamai run ka Chutwakhu 93 run na ki 52 ball, katba na ka liang ki nong kawang ball ka Umshangiar u Teilang War ula khur 3 wicket naka 4 over.

U Bhuvnesh Kumar ula khur ia ka khusnam Man of The Match.

Shuh shuh ha kawei ka khubor ka AJCA kala pynbna ba shen kan sdang sa ka lympung ialehkai Under-19 Cricket Tournament na ka bynta ki khynnah shynrang.

Ka tarik khatduh ban pynpoi iaka entry kalong 10 tarik u bnai Lber (March) 2022.

Ka jingpynlong ia kane ka tournament ka long shibynta ban iashimbynta haka inter district tournament ka Meghalaya Cricket Association.