Jop ka Chutwakhu 3-1 iaka Mooknor Thadmuthlong, rah syndon iaka 12th Chatister Kharkongor Memorial Trophy ka WJDSA

Syllad | The Rising MeghalayaNovember 16, 2024

Ka Chutwakhu SC kala jop da 3-1 pyrshah iaka Mooknor Thadmuthlong haka jingiakhun final bad rah syndon iaka 1^st Division – 12th Chatister Kharkongor Memorial Trophy kaba pyniaid da ka West Jaintia District Sports Association (WJDSA) kaba long haka 16 tarik Naiwieng.

Baroh kine ki lai kol ka Chutwakhu kila wan haka kylla miet lyngba u Luckyness Khyriem (65 P) kaba mih paw haka dur ka penalty, u Gladio Susngi (82) bad u Faithful Bthuh (90) kaba la biang pura ba kan rah iaka nam lahduh.

Shikol ka Mooknor Thadmuthlong la thep da u Rimiki Suchiang (85) kaba wan haka dur jong ka penalty.

Iaka khusnam ba ioh thep bun kol Top Scorer la ioh khur da u Iohi Dhar (8 kol) jong ka Mooknor Thadmuthlong, Best Goalkeeper u Lalmalsawma Tariang na ka Chutwakhu.

Ka khusnam Man of the Match kala leit sha u Trerigin Tariang ka Chutwakhu bad ka khusnam Player of the Tournament la ioh rah da u Gladio Susngi jong ka Chutwakhu.

Ka Chutwakhu kaba dei ka lahduh kala rah iaka song pisa kaba T.50 hajar bad ka Mooknor T.30 hajar ka lahduh ba ar.

Iaki khunsam sha ki lahduh la sam da u kongsan u ma Finely Pariat uba long ruh u secretary MSOA bad u khun jong u (L) Chatister Kharkongor bad kiba haiing haka jingiadonlang ki dkhot bad nongialam ka WJDSA.