Jop ka Chiehruphi haka Super Div ka EJHDFA

Syllad | The Rising MeghalayaNovember 27, 2024

Ka Chiehruphi SYWSC kala jop da 4-3 iaka Ladrymbai B SC, katba ka Rymbai Shkenshynriah SC bad Thangskai Tiger SC kila iakhaid haka Super Division Football Tournament kaba pyniaid da ka East Jaintia Hills District Football Association (EJHDFA) ha madan artificial turf ha Diengshynrum haka 26 tarik Naiwieng.

Iaki saw kol ka Chiehruphi SYWSC la thep da u Premi Muksor (17), Meshanki Sympli (24, 45+4) bad u Sandy Kasar 56. Na kaliang Ladrymbai B SC la thep da u Laxman Lamare (34), Christopher Dkhar (78) bad Meshanki Sympli (82 OG).

Ka jingialehkai hapdeng ka Rymbai Shkenshynriah SC pyrshah Thangskai Tiger SC kala kut da 1-1. Nakaliang ka Rymbai Skhenshynriah la thep da u Ribiang Dkhar (3), katba na ka Thangskai Tiger la thep da u Pynthymme Rymbai (38).