Jop ka Caroline Colony SC da 4-2 ïaka Chilliangraij SC haka 18 Above Knockout Football Tournament ka WJDSA

Syllad | The Rising MeghalayaNovember 11, 2021

Ka Caroline Colony SC kala jop da 4-2 kol pyrshah iaka Chilliangraij SC haka lympung ialehkai Open to All 18 Above football League Knockout Tournament kaba pyniaid ka West Jaintia District Sports Association (WJDSA) kaba long ha Kiang Nangbah Stadium haka sngi Palei.

Haba phai sha ka jingiakhun ka Coroline Colony SC tang hapoh 4 minit bala iaid ka jingiakhun kala ioh thep shi kol lyngba u Lamphrang Langstang bad lai minit hadien ka Chilliangraij kala tan kylla iaka jingiakhun lyngba ka kol kaba la thep u Ritre Rangad.

Da kane ka jingiakhun kala sdang ban shongshit ha kaba baroh arliang mamla kila iakhun tyngeh ban ioh thep kol, hynrei kumno re kumno da ka jingbakla u Heimonmi Salahe u nongialehkai ka Caroline Colony ula thep hi shala kol lajong haka minit kaba 22.

Haka kylla miet pat ka Caroline Colony kala ioh thep sa lai kol lyngba Donal Litting (62) bad u Romeyoo Shylla (65, 69). Ka Chilliangraij kala pyrshang ban iakhun ban ioh thep, hynrei la lap ba la wai noh ka por iakhun.