Jop ka Bataw haka First Div ka EJHDFA

Syllad | The Rising MeghalayaSeptember 22, 2023

Ka Bataw YWSC kala jop da 2-0 iaka Lumputhoi SC haka jingialehkai First Division Football Tournament kaba pyniaid da ka East Jaintia Hills District Football Association (EJHDFA) kaba long ha madan artificial turf ha Diengshynrum haka sngi Palei.

Ia kine ki 2 kol ka Bataw la thep da u Seibor Suchiang 62′ bad u Marbudki Suchiang 85′.

Shuwa kane ka jingialehkai, ka Rymbai Pohskur SC kala iakhaid mar 1-1 pyrshah iaka Chiehruphi SYWSC.

Ka Rymbai Pohskur kala pynkhih shuwa iaka jar lyngba Lamphrang Dkhar 44′, Katba ka Chiehruphi kala lah ban tan iaka jingialehkai sha kaba iakhaid tad haduh ka minit kaba 71′ lyngba u Sao Bareh.