Jop ka Ardamihki bad ka Iooksi YW haka Third Div. Football ka WJDSA

Syllad | The Rising MeghalayaJuly 18, 2024

Ka Ardamihki Demthring bad ka Iooksi Youth Welfare kila khur namjop haka lympung ialehkai Third Division Football – 4^th Adelbert Laloo Memorial Trophy kaba pyniaid da ka West Jaintia District Sports Association (WJDSA) kaba long haka 18 tarik Naitung ha Kiang Nangbah Stadium.

Ka namjop ka Ardamihki kala wan pyrshah iaka Umshangiar da 3-1. Ia kine ki lai kol la thep da u Justify Ryngkhlem, u Damgkermio Ryngkhlem bad u Heisa Ryngkhlem. Shikol na kaliang ka Umshangiar la thep da u Tremi Phawa.

Ka Iooksi Youth Welfare kala jop da 1-0 iaka FAM. Ia kane ka kol la thep da u Pyrkhat Paslein (30)

Artylli kiwei pat ki jingiakhun kila kut da kaba iakhaid, kawei hapdeng ka Lumiongkjam pyrshah iaka Youth welfare Pynthor Langtein, ka jingialehkai kala wai da kaba iakhaid khlem don mano mano ba ioh pynkhih iaka jar. Kawei pat hapdeng Mooknor Nangbah pyrshah iaka Khliehshnong Ialong kala kut da kaba iakhaid mar 1-1.

Na kaliang ka Khliehshnong Ialong la thep da u Sainkiru Pale (4) bad iaka kol jong ka Mooknor Nangbah la thep da u Pynshngain Hinge (14).