Jop ka Amlarem SC haka Super Div, ka Lamin haka Upper Div ka ASSA

Syllad | The Rising MeghalayaDecember 21, 2024

Ka Amlarem SC kala khur jingjop haka Super Division katba ka Lamin XI kala khur jingjop haka Upper Division Football Tournament kaba pyniaid da ka Amlarem Sub Divisional Sports Association (ASSA) kaba long ha madan mini stadium Ladjaplem, Amlarem haka 20 tarik Nohprah.

Haba phai shaka jingialehkai Super Division, ka jingialehkai kaba nyngkong kala kut khlem don mano mano ba lah ban thep kol hapdeng ka Seinbhalang shkentalang pyrshah iaka Pamtbuh SC.

Haka jingialehkai kaba bud, ka Amlarem kala jop iaka Lumpyngngad da 1-0 bad ia kane ka kol la thep da u Puson Rymbui (64).

Haka jingialehkai Upper Division, ka Lamin XI kala pynliem da 3 -1 iaka YSWC Thangbuli. Iaki kol jong ka Lamin XI la thep da u Jesimark Gashnga (10) & (68) bad Graham Dkhar (48) katba iaka kol jong ka Thangbuli la thep da u Richmon Buam (20).