Jop ka Amkoi bad ka Shkenpyrsit haka football ka ASSA

Syllad | The Rising MeghalayaJanuary 15, 2025

Ka Amkoi SC na ka kyrdan Upper Division bad Shkenpyrsit naka Lower Division kila rung shaka semifinal hadien ba kila jop haka jingialehkai quaterfinal kaba long haka 15 tarik Kyllalyngkot.

Baroh ar tylli kine ki lympung ialehkai football la pyniaid da ka Amlarem Sub-Divisional Sports Association (ASSA) ha madan Lad Japlem.

Haba phai shaka jingialehkai Upper Division, ka Amkoi SC kala pynrem iaka Khlachympa da 1-0 bad ia kane ka kol la thep da u Lovis Pohtam.

Haka Lower Division, ka Shkenpyrsit kala jop da ka jingiashut Tie Breaker da 4-3 pyrshah iaka Lumpyngngad SC hadien ba ka jingialehkai haka por ba la buh kala kut da ka jingiakhaid mar 1-1.

Nakaliang ka Shkenpyrsit SC la thep da u Wanmi Sana (21) bad iaka Lumpyngngad SC la thep da u Tylli Pohshna.

Haka 16 tarik ka jingialehkai quarterfinal haka Lower Division kan long hapdeng ka Padu United pyrshah iaka Nongshilliang Pdengshakap haka por 12.00 baje mynsngi. Katba haka Upper Division kan long hapdeng ka Sohlawiat SCC pyrshah iaka Amlanai TC haka por 2.00 baje nohphai sngi.