Jop ka 7 Wasa Utd 8-2 kol iaka Telongjem FC haka Futsal Club Championship ha Delhi

Syllad | The Rising MeghalayaNovember 8, 2021

Ka 7 Wasa United SCC kaba mih khmat iaka Jylla haka Hero Futsal Club Championship kala khur jingjop da 8-2 kol pyrshah iaka Telongjam FC kaba mihkhmat na ka jylla Nagaland kaba long ha KD Jadhav, Indira Gandhi Indoor Stadium, Delhi haka sngi Nyngkong.

U Primrose Lamat ula kylla long u namtam ha kane ka jingiakhun hadien ba ula khyrwit lai kol kiba la wan haka minit kaba 14, 17, 26. U Samson Nongrum ula khyrwit 2 kol haka minit kaba 29, 37 bad mar shikol na u Wadajied, Niponghi bad u Riburom.

Ka kynhun jong ka Telongjem kaba la tam shuwa 2 kol, hynrei ka jinglah jong u Primrose ban pynkylla sha ki kol ia ki kabu ksiar kaba ula ioh kala ai mynsiem iaka 7 Wasa ban ioh khur ia kane ka namjop.

FULL-TIME! The referee blows his whistle, signalling the end of the match, as 7 Wasa United take home a big win 🏡

TFC 2-8 WASA

📺 https://t.co/QxWJNuRglD#TFCWASA ⚔️ #HFCC 🏆 #IndianFootball ⚽ pic.twitter.com/ELYqxyEtjq

— Indian Football Team (@IndianFootball) November 8, 2021

Ka 7 Wasa ha kane ka jingiakhun kala ialehkai bha naduh basdang ka jingiakhun bad kala nion ha baroh kiliang iaka Telongjem FC kaba wat iaka bol ruh la kham ioh bat bun ka 7 Wasa.

Da kane ka jingjop ka 7 Wasa kan ai reng pyrshah iaka Delhi haka 10 tarik une u bnai.

Image credit: Indian Football Team