Jop ka 7 Wasa Utd 5-0 kol pyrshah iaka Khliehchnong Ialong haka 18 Above Football ka WJDSA

Syllad | The Rising MeghalayaNovember 12, 2021

Ka 7 Wasa Utd SCC kala pynliem da 5-0 kol pyrshah iaka Khliehchnong Ialong SC haka lympung ialehkai 18 Above football League Knockout Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Thohdieng.

Ha kane ka jingiakhun ka 7 Wasa kala ialehkai bha naduh ba sdang ka jingiakhun bad kala tam shakhmat da 2 kol haka kyllastep lyngba ka kol kaba la thep da u George F Ryngkhlem (27), Sanjini Dkhar (29).

Ka Khliehchnong Ialong kala iakhun tyngeh ban ioh pynphai kol, hynrei ka jingskhem ka kut ialehkai ka 7 Wasa kam shym la ioh satia ban pynkhih iaka jar.

Haka kylla miet ka 7 Wasa kala pynban biang sa lai kol lyngba Sanjini Dkhar (78), Nikhil Dkhar (73) bad Jeles Suting (86).

Da kane ka namjop ka 7 Wasa na ki arsien iakhun kala jop 2 sien.