Jop ka 7 Wasa, Khimusniang haka ID Cup, ka Mookaswan haka Third Div ka WJDSA

Syllad | The Rising MeghalayaAugust 7, 2024

Ka 7 Wasa, Khimusniang kila jop haka Independence Day Cup Under-17 Football Tournament, katba ka Mookswan Dongwah kala jop haka Third Division Football Tournament haka 6 tarik Nailar.

Baroh ar tylli kine ki tournament ki dei kiba pyniaid da ka West Jaintia District Sports Association (WJDSA) kaba long ha Kiang Nangbah Stadium.

Haba phai sha ka jingialehkai Third Division, ka Mookaswan Dongwah kala pynliem da 2-0 iaka Khliehshnong Ialong. Ia kine ki kol la thep da u Emiianga Phawa (20) bad u Monjurlang Suchiang (30).

Ha kawei pat ka jingialehkai ka Pasyih Cultural pyrshah iaka Lumkhangdong Kyndong Tuber ka jingiakhun kala kut da kaba iakhaid mar shikol.  Ka Lumkhangdong Kyndong Tuber kala iohshuwa ban thep lyngba u Phorki Shyrmang (30), katba na ka Pasyih la thep da u Sambun Dkhar (34).

Haba phai sha ka jingialehkai ki khynnah Under-17, ka Khimusniang kala jop da 3-1 iaka Caroline. U

Thaslang Syrti ula the par kol (34,46) bad u Meroily Lytan (59). Shikol ka Caroline la thep da u Hopefulson Maskut (38).

Katba ki khynnah ialehkai ka 7 Wasa kala jop da 4-1 iaka Khliehmyntang Ialong. Na kaliang ka 7 Wasa la thep da u Riphi o Shylla (7), u Kamjuhhi Phawa (44), Overson Shullai (51) bad u Rikunei Dhar (55). Shikol Khliehmyntang Ialong la thep da u Sayn Bryan Pale (60).