Jop ka 7 Wasa haka Super Division ka WJDSA

Syllad | The Rising MeghalayaAugust 25, 2022

Ka 7 Wasa Utd kala jop da 2-1 pyrshah iaka Lumiawmuchai Shangpung haka Super Division Football Tournament kaba pyniaid da ka West Jaintia District Sports Association (WJDSA).

Haba phai sha ka jingiakhun kaba long ha Kiang Nangbah Stadium haka sngi Balang, ka Lumiawmuchai Shangpung kala tam shakhmat shikol ha kane ka jingiakhun tang hapoh 5 minit bala iaid ka jingiakhun. Ia kane ka kol la thep da u Sunidahoi Sungoh. Tang 2 minit hadien ka 7 Wasa kala ioh iaka kabu ksiar ban tang kylla iaka jingiakhun sha kaba iakhaid bad ia kane ka kol la thep da u Sucrip Manar (7) jong ka kylla step.

Ka kyllamiet ka jingiakhun hadpdeng kine ki arliang mamla kala iathain bha bad kila ia ñion markylliang bad ioh thep kol, dei tad haduh ka minit kaba khatduh ba ka 7 Wasa kala ioh ban pyntam shikol bad khur iaka 3 poin. Ia kane ka kol la thep da u Samehi Ryngki (90+3)

Kane ka namjop kan long ka sien kaba ar iaka 7 Wasa bad ka namjop ba nyngkong kalong pyrshah iaka Ladthadlaboh.

Mynta ka sngi ka jingiakhun kanlong hadpeng ka Ladthadlaboh pyrshah iaka Khimusniang haka por 3 baje nohphaisngi.

Scorer 7wa