Jop k MeECL XI 3-1 kol ïaka MLP haka Inter Office ka MSGEF

Syllad | The Rising MeghalayaNovember 19, 2021

Ka kynhun ialehkai jong ka MeECL XI kala jop da 3-1 kol pyrshah ïaka MLP (DEF) haka jingiakhun InterOffice 8th U Kiang Nangbah Memorial Trophy kaba pyniaid da ka Meghalaya State Government Employees’ Federation (MSGEF) kaba long ha Kiang Nangbah haka sngi Thohdieng.

Ha kane ka jingiakhun ka MeECL kala tam shuwa 1 kol haka kylla step lyngba ka kol kaba la thep u Pearlydreen Khyriemujat haka mint kaba 8 bad kane ka kol kala neh haduh bala wai ka kylla step.

Haba la wan ban bteng biang iaka jingiakhun haka kylla miet ka jingiakhun kala shongshit khamtam ba ki nongkyrshan ka MLP kila wan shongshit ban sakhi iaka jingiakhun.

Baroh arliang mamla kila iakhun tyngeh ban ñion markylliang ban ioh thep kol bad dei ha ka minit kaba 51 ka MLP kala lah ban tan kylla iaka jingiakhun sha ka jingiakhaid lyngba ka kol u Everstarly Rynjah haka minit kaba 51 kaba mih paw haka dur jong ka Penalty. Hynrei kane ka jingtrei shitom ka MLP kala shah theh umpjah hadien ba kumno re kumno u nongialehkai jong u la bakla thep sha ka kol lajong haka minit kaba 64. Une u nongialehkai uba bakla thep u dei u Heavenly Lamare.

Da kane ka jingiarap thep ka MLP, kala ai mynsiem iaka MeECL ban ialehkai bha bad kala ioh ruh ban thep sa shi kol lyngba Pearlydreen Khyriemujat ha ka minit kaba 74 kaba la biang pura ban khur iaka nam jop.