Jop Iooksi Shangpung Mawsiang haka Third Div ka WJDSA

Syllad | The Rising MeghalayaApril 13, 2022

Ka Iooksi YC, Shangpung Khliehmuchut bad ka Mawsiang FC kila khur jingjop haka Third Division Football ka WJDSA- ka 2nd Adelbert Laloo Memorial Trophy kaba long ha Kiang Nangbah Stadium haka sngi ba Ar.

Haba phai sha ka jingiakhun ka Iooksi Youth Welfare kala pynliem da 3-1 kol iaka Khliehshnong Ialong.

Ia kine ki lai kol ka Iooksi la thep da u Ngaitmi Syngkon (13), Tympang Tangliang (79) bad Khadduh Tangliang (80+1). Shi kol ka Khliehshnong Ialong la thep da u Simlut Dhar (57).

Haka jingiakhun kaba ar ka Shangpung Khliehmuchut kala jop da 4-0 kol iaka Lumkhangdong Kyndong Tuber. Ar kol la thep da u Bashan Iakai (70, 80+1) bad mar shi kol la thep da u Sanki Langstang (3) bad u Rangdajied Sayoo (10).

Ha ka jingiakhun kaba khatduh ka Mawsiang FC Nongkhroh kala jop 1-0 kol iaka Myrjai. Ia kane ka kol la thep da u Rio Marboh (59).