Jop da ka HUCC da 5 wicket iaka Chutwakhu, buh jaka haka final Open to all T20 Cricket ka AJCA

Syllad | The Rising MeghalayaMarch 3, 2022

Ka HUCC kala buh jaka ialade haka kyrdan jong ka final Open to all T20 Cricket Tournament 2022 kaba pyniaid ka All Jaintia Cricket Association (AJCA) hadien ba kala lah ban pynliem da 5 wicket iaka Chutwakhu haka semifinal kaba long ha madan Jrisalein, Chutwakhu, Jowai haka sngi Palei.

Ka HUCC kaba la jop iaka toss kala kam trai shuwa ban bol bad ailad iaka Chutwakhu ban tied shuwa. Ka Chutwakhu kala kamai 148 run na ka 20 over liem 7 wicket. U Deibormi Rangad ula kamai 86 run na ki 40 ball, katba na ki nongkawang bol ka HUCC u N Pakyntein ula khyrwit 3 wicket naki 4 over.

Haba la poi ka pali jong ka HUCC ban beh iaka thong 149 kala liem 5 wicket bad pynsah 3 bol. U Kitbok Lyngdoh ula kamai 42 run bad u Defender Dkhar 34* run bad khur ruh iaka nam Man of the Match . U Deimiki Rabon u nongkawang bol ka Chutwakhu ula ioh 3 wicket naki 3.3 over

Ka semi final ba ar kan long hapdeng ka Amity (L) Nissan Laloo pyrshah iaka Moodymmai haka 5 tarik une u bnai.