Jop bunkol ka Lumchyrmang Mihmyntdu haka Third Div ka WJDSA

Syllad | The Rising MeghalayaJuly 23, 2024

U Pynshngain Kyndait ula kylla long u namtam hadien ba ula lah khur iaka hattrick bad ban lam lynti iaka Lumchyrmang Mihmyntdu ban jop bunkol 7-0 pyrshah iaka Nangbah Pohshnong haka jingialehkai Third Division Football -“4th U Adelbert Laloo Memorial Trophy-3rd Division Football Tournament” kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 23 tarik Naitung.

Ia kine ki kol u Pynshngain ula thep haka minit kaba  (54, 57 & 67). Nalor u Pynshngain la iarap thep kol sa u Dawansynshar Dkhar (6), Sooki Chyrmang (18), Embor Chyrmang (35+1 & 48) kaba la biang pura iaka Lymchyrmang ban khur iaka namjop.

Ha kawei pat ka jingiakhun ka Lumkhangdong Kyndong Tuber kala jop da 1-0 iaka Pateinki Sabah. Ia kane ka kol la thep da u Pynshaiburom Phawa (30).

Ka jingialehkai kaba bud hapdeng ka Riatsaliya Mihmyntdu pyrshah iaka Chyrmang Wah kala kut da kaba iakhaid mar 1-1. Nakaliang ka Riatsaliya la thep da u Ishanroy Pde (35) bad nakaliang ka Chyrmang Wah la thep da u Niwan Syad (68).

Katba ka Mookyrdup kala jop 1-0 iaka Mustem East. Ia kane ka shikol la thep da u Hunbait Langbang haka minit kaba (7).