Jop bun kol R Madanpynriang iaka Musniang Rim haka Third Div Football ka EJHDFA

Syllad | The Rising MeghalayaAugust 21, 2023

U Rimiki Rymbai ula kylla namtam haka jingkhur namjop ba bun kol ka R Madanpynriang da 6-1 pyrshah iaka Musnniang Rim SC haka Third Division Football Tournament kaba pyniaid da ka East Jaintia Hills District Football Association (EJHDFA) kaba long ha madan artificial turf ha Diengshynrum haka sngi Nyngkong.

U Rimiki marwei ula khyrwti iaka hattrick (7′, 26′ & 38′), u Donald Dkhar ula thep ar kol 14′ & 25′ bad shikol da u Sanhame Bareh 40’+1 kaba la biang pura iaka Madanpynriang ban jop bad rung artad sha ka wat kaba ar jong kane ka lympung ialehkai. Iaka shikol ka Musniang Rim la thep da u Meki Siangshai 59′.

Ka Pynthorsale kala pynliem da 1-0 iaka Umsatai. Ia kane ka kol la thep da u Rishot Phawa 59. Ka Pynthorsale ruh da kane ka namjop kala lah ha kaban pynthikna ialade ban buh jaka haka wat kaba ar.

Ka jingialehkai hadpeng ka Shymplong pyrshah iaka Iapmala Wahshnong kala kut da 1-1. Ka kol ka Shymplong la thep da u Shiningstar Suchen 29′ katba na kaliang ka Iapmala Wahshnong SC la thep da u Juh Lyngdoh 38.