Jop bun kol ki khynnah ialehkai ka Shillong SA bad WJH haka Meghalaya Youth League

Syllad | The Rising MeghalayaSeptember 1, 2024

Ki Team kiba don ha ka kyrdan kaba hakhmat eh ha ka lympung ialehkai phutbol “Meghalaya Youth League 2024” ki dang iai bteng ban khur ia ki nam jop ha ki jingiakhun kiba la long ha ha ka 31 tarik Nailar 2024.

Napdeng kine ki kynthup ia ka West Jaintia District Sports Association ha ka Zone B kaba la jop ha ka jingialehkai jong ka U-14 pyrshah ia ka East Jaintia District Football Association da haduh  9-0, kaba la pynlong ruh ia u Kaisarmi Dkhar ba un ioh ia ka hattrick. Katba ha ka jingialehkai jong ka U-16 ka jingiakhun hapdeng ka East Jaintia bad ka West Jaintia Hills ka la kut ha ka jingiakhaid da 2-2 kol.

Ka West Jaintia ka dang tam hi haka miej iakhein poin ha baroh ki ar kyrdan jong ka lympung jingiakop, kata ha ka U-14 kala kamai 15 poin bad 13 poin haka U-16. Katba ka Amlarem Block Sports Association kaba don ha ka kyrdan kaba ar kam shym la don bynta ha kano kano ka jingiakhun ha katei ka kut taiew ba la dep.

Ha kiwei pat ki jingialehkai ha kane ka Zone la sakhi ia ka Laskein Block Sports Association bad ka Saipung Block Sports Association ki la iasam poin ha ka U-14 hadien ka jingiakhaid, kata hadien ba ka Saipung ka la lah ban pynliem noh ia ka Laskein da 3-0 ha ka U-16.

Ka la don tang kawei ka jingiakhun ha ka Zone A kaba dei ka jingiakhun ba khatduh jong ka U-16 ha kaba ka nonglamkhmat ka Williamnagar District Sports Association ka la lah ban pynliem noh ia ka North Garo Hills District Sports Association da 3-0. Kane ka la pynlong ia ka Williamnagar ba kan ioh ban khur ia ka 10 poin bad ka NGH tang 5 poin.

Ha ka Zone C, ka Shillong Sports Association ka la lah ban pynliem noh ia ka Sohra Sports Association da 4-0 ha ka U-14 bad haduh 8-0 ha ka U-16. Katba ka Ri-Bhoi District Sports Association ka bym shym la iakhun ha kane kaba kut taiew hynrei ka dang iai ban tam ia ka kyrdan khein poin pyrshah ia ka Shillong da 1 point ha baroh ki ar kyrdan jong ka jingialehkai.

Ha ka  Zone D ka Eastern Border Sports Association ka la jop da 6-0 pyrshah ia ka Mawshynrut Sports Association ha ka rta U-16.

U-14 result na ka bynta ka 31 Nailar:

Zone B – East Jaintia District Football Association 0 – 9 West Jaintia District Sports Association

Zone B – Laskein Block Sports Association 0 – 0 Saipung Block Sports Association

Zone C – Sohra Sports Association 0 – 4 Shillong Sports Association

Zone D – Mawkyrwat District Sports Association 1 – 1 Nongstoin District Sports Association

Zone D – Pyndengumiong District Sports Association 2 – 0 Tyrsad Area Sports Association

Zone D – Eastern Border Sport Association 1 – 0 Mawshynrut Sports Association

U-16 result  na ka bynta ka 31 Nailar :

Zone A – Williamnagar District Sports Association 3 – 0 North Garo Hills District Sport Association

Zone B – East Jaintia District Football Association 2 – 2 West Jaintia District Sports Association

Zone B – Laskein Block Sports Association 0 – 3 Saipung Block Sports Association

Zone C – Sohra Sports Association 0 – 8 Shillong Sports Association

Zone D – Mawkyrwat District Sports Association 1 – 1 Nongstoin District Sports Association

Zone D – Pyndengumiong District Sports Association 0 – 1 Tyrsad Area Sports Association

Zone D – Eastern Border Sport Association 6 – 0 Mawshynrut Sports Association