Jop bun kol ka Ratacherra haka sngi sdang ka 3rd Division ka EJHDFA

Syllad | The Rising MeghalayaSeptember 3, 2024

Ka Ratacherra CSC kala jop haduh 7-0 iaka Pynurkba Christian FC haka sngi sdang ka lympung ialehkai 3rd Division Football Tournament ka East Jaintia Hills District Football Association kaba long ha madan artificial turf ha Diengshynrum haka 3 tarik Nailur.

U namtam ha kane ka jingioh khur namjp ba bun kol ka Ratacherra, u dei u Gradely Mylliem ha kaba marwei ula khyrwit iaka san kol (14, 19, 33, 38 bad 53). Mar shi kol la thep da u Aibanshkem Surong (15) bad u Daily Khonglah (75).

Shuwa kane ka jingialehkai, ka Ryntihlang SC Brichyrnot kala jop da 1-0 iaka Sonapyrdi FSC. Ia kane ka kol la thep da u Thomas Muksor (15).

Ha kawei pat ka jingialehkai, ka Wapungskur SSWO kala pynliem da 3-2 iaka Mookympad. Ha kane ka jingiakhun ka Wapung kala tam shakhmat da 2 kol haka kylla step bad ka kol kaba lai kala thep haka kylla miet. Ia kine ki kol la thep da u Wallam Siangshai (17), Langki Suchiang (26) bad u Bamon Myrchiang (65).

Ar kol na kaliang ka Mookympad la thep da u Albert Sutnga (46) bad Forme Syrti (72).

Ha kane ka sngi la leh burom ruh iaki referee kiba pyniaid iaka football jong ka EJHDFA da kaba ai iaki T shirt kiba la synniang da u Chairman ka Referees Committee Bah Joshua Sajem ryngkat ka jingiadonlang ki dkhot ka EJHDFA.