Jop bun kol ka Niaw Wasa iaka Shangpung Lumiawmuchai haka Super Division ka WJDSA

Syllad | The Rising MeghalayaOctober 31, 2023

Hadien ka jingiakhaid ha ki ar tylli ki jingialehkai, ka Niaw Wasa Utd kala jop bun kol haduh 5-0 iaka Shangpung Lumiawmuchai haka Super Division Football Tournament- U Kiang Nangbah Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Nyngkong.

U Dashngain Sukhlain ula lam lynti iaka Niaw Wasa Utd ban khur ia kane ka namjop hadien ba ula khyrwit iaka hattrick lyngba ki kol kiba ula thep haka 9’, 60’ bad 70’. Ar kol la thep da u Riburom Jat 32’ bad u Surip Maner 58’.

Haba phai sha ka jingialehkai First Division Football Tournament-Chatister Kharkongor Memorial Trophy 2023, ka Wahiajer ka la pynliem da 2-1 iaka Moosalyngkat.

Iaki kol jong ka Wahiajer la thep da u Marlangki Suting bad Niwan o Gatphoh kiba la wan haka minit kaba 15’, 28’. Shikol na kaliang ka Moosalyngkat la thep da u Meaban Thubru 64.

Haka 31 tarik ka jingiakhun First Division kan long hapdeng ka Sabahmuswang pyrshah iaka Moosyiem Shangpung haka por 12.00 baje mynsngi. Katba ka jingiakhun Super Division kan long hapdeng ka Nangbah Mulang bad ka Sailung Ialong haka por 2.00 baje nohphai sngi.