Jop bun kol ka Delhi iaka 7 Wasa, hap wanphai iing noh naka Futsal Club Championship

Syllad | The Rising MeghalayaNovember 10, 2021

Ka 7 Wasa United SCC kaba mih khmat iaka Jylla haka Hero Futsal Club Championship kala hap ban wanphai ïing noh hadien ba kala shah pynliem haduh 15-4 kol haka jingiakhun pyrshah iaka Delhi FC ha KD Jadhav, Indira Gandhi Indoor Stadium, Delhi haka sngi Balang.

Wat la ka dei ka sien kaba nyngkong iaki samla ialehkai ka Jylla ban ialehkai ha kum kane ka jait ialehkai, pynban ki samla ialehkai kila ialehkai bha bad pyni sha ka pyrthei iaka sur ialehkai kaba itynnad ha kane ka jingiakhun.

Ka 7 Wasa Untied ha ka jingiakhun pyrshah iaka Delhi, kala pyrshang hi ban thaw iaki kabu ksiar ban ioh thep kol, hynrei ka jingtbit palat liam ki nongialehkai ka Delhi kala pynlong noh iaka kynhun baroh kawei ban noh mynsiem bad lut lyer syndon hadien ba kala shah thep kol ban ban lyngba ki kol bala thep u Nikhil Mali, uba la khyrwit 5 kol marwei.

Hadien ba ka 7 Wasa kala shah tam 4 kol haka Delhi, kala theh umpjah syndon ia baroh ka jingpyrshang jong ka bad hap ban pdiang ia kane ka namrem.

U Primrose ula ioh thep 2 kol bad mar shikol lyngba u Riburom bad Civility.

Ka 7 Wasa ha kane ka jingiakhun kala jop iaka TRAU FC kaba mihkhmat iaka Manipur bad iaka Telongjam kaba mihkhmat iaka Nagaland.

Image Credit: Indian Football Team