Jop bun kol ka ATS Saw Lyngdoh St Claret haka Subroto Cup u DSO Jowai

Syllad | The Rising MeghalayaJune 9, 2022

Ka sngi ba ar jong ka lympung ialehkai football ki khynnah skul, ka Subroto Cup kaba pyniaid da ka ophis u district sports officer, Jowai kala mih paw haduh 17 kol bad ar tylli ki jingiakhun la rai iaka namjop da ka tie breaker haka sngi Palei.

Haba phai sha ka jingiakhun mynta ka sngi kaba long haka kyrdan Under-17 Boys’ ha madan Kiang Nangbah Stadium, haka jingiakhun kaba nyngkong eh ka Amwi Jarain SS kala jop da ka tie breaker da 4-2 iaka Modern SS Ialong.

Ka Marian Hill HSS kala pynliem da 2-0 kol iaka Riwar Jaintia Church of God SS da 2-0 kol.

Ka Adventist HSS kala jop 5-0 kol iaka Mang Hai Ryum SS, katba ka Saw Lyngdoh HSS kala pynliem da 4-0 kol iaka Khimusniang Pres SS.

Ha kawei pat ka jingiakhun ka St Claret SS kala jop 5-1 kol iaka Tpep Pale SS bad ka jingiakhun kaba khatduh Lumpyrtuh SS kala jop da ka tie breaker 3-1 Syiem Jingsuk SS.

Lashai ka jingiakhun Under-17 Boys’
Moodymmai SS vs Ummlong Pres HSS
Jowai Govt UP RMSA vs Amlarm SS
Jowai Pres HSS vs QC Springside HSS
Jaintia HSS vs HK Singh ME SS
Padu SS vs Ialong SS
Seinraij HSS vs Kiang Nangbah Govt. HSS.