Jop biang ka HK Singh Memorial SS haka Subroto Cup, shah weng bun ki team ba heh rta ki player

Syllad | The Rising MeghalayaOctober 2, 2023

Ka HK Singh Memorial Secondary School, Jowai kaba mihkhmat iaka jylla haka 62nd Edition jong ka Subroto Cup International Football Tournament Under-14 (Sub Junior Boys) kala jop da 1-0 iaka Maharashtra haka jingialehkai kaba long ha AF Jal, Bengaluru, Karnataka haka sngi Nyngkong.

Ka khubor kaba bym sngewtynnad pat ka long ba haduh 15 tylli k kynhun kila shah disqualified noh ne shah weng na kane ka lympung hadien ba ka bor pyniaid kala lap ba ki pynrung iaki player bala heh rta.

Kine ki kynhun ki kynthup iaka Sainik School kaba la jop ka HK Singh Memorial SS haka jingialehkai kaba nyngkong bad kiwei pat ki kynthup iaka Nagaland, BSE, Tripura, NVS, Haryana, Jharkhand, KVS, Madhya Pradesh, J &K, Manipur, Bangladesh, Bihar, NCC bad Chhattisgarh. Baroh ki kynhun kila phiel haka Medical Examination ban pynthikna iaka rta ki khynnah ialehkai.

Kumta ka organising committee kala thaw da kawei pat ka prokram ialehkai bad ka Meghalaya (HK Singh) kan aireng pyrshah iaka Maharashtra bad ka IPSC, kaba ka HK Singg kan aireng haka 4 tarik une u bnai Risaw.