Jingpynbna: Ym shah ia die ia thied jaka khlem ka jingtip ka Dorbar Shnong Namdong A

Syllad | The Rising MeghalayaMay 28, 2025

Ka Dorbar Shnong Namdong ‘A’ kaba hap hapoh Elaka Nongjngi ka la pynbna paidbah ba naduh mynta ka sngi, kino kino kiba die lane thied jaka hapoh u pud u sam jong ka shnong, naduh ki riew shimet lane ki kynhun bapher bapher, ki dei ban pyntip sha ka Dorbar Shnong lyngba u Waheh Shnong.

Ka Dorbar Shnong kala shim ia kane ka rai haka 24 tarik Jymmang (May) 2025 ban lait na kino kino ki jingklumar hadien habud.

Ka Dorbar ka la kdew ba kane ka kynthup iaki jaka hapoh shnong bad ki jaka kiba don sha lum khamtam eh ki jaka markhap bad ka shnong Thadmynri kiba dei ki jaka jong ka Shnong Namdong ‘A’.

Ka Dorbar kala kyrpad ia baroh ban ia treilang bad ka shnong na ka bynta ka bha ka miat jong ka shnong hi baroh kawei. La pyntip ruh ba lada don kino kino kiba pyrshah ia kane ka rai, ka shnong kam don jingkitkhlieh.

Kane ka jingpynbna ka wan na u Ma S. Thubru, Secretary, Dorbar Shnong Namdong ‘A’