Jingsngewnguh na kiba haïing hasem jong i (Late) Dr. Dihacianlang Nongpluh

Syllad | The Rising MeghalayaAugust 28, 2021

Ngi na ka liang ka iing ka sem jong i (Late) Dr. Dihacianlang Nongpluh i ba la khlad noh ha ka 17 tarik August 2021, ngi pynpaw ia ka jingsngewnguh ka ba khraw nyngkong eh ia U Blei u ba la kyrshan bor ia ngi ha kum kane ka por ka ba la pynpait ia ki dohnud jongngi. Dei ka jingaiei ba phylla jong u ba ngi kum ka iing ngin nang ioh ka bor ban shaniah lut ha ka jingieit bad ka jingpyniaid ka ba maian ka jong u.

Na ka bynta ki jingiarap bad ka jingkyrshan ia ka iing jong ngi, ngi ai khublei kyrpang ia ki doctor bad ki nurse jong ka Woodland WK Hospital, ki pulit bad ki magistrate, ki paralok ki ba la pynbiang ia ka ambulance, ka Chutwakhu Local Durbar, Jowai, ka Moosalyngkat Dorbar Chnong, Jowai, ka Balang Jowai Presbyterian, Jowai, ka Balang Thadlaboh Presbyterian, Jowai, ki pastor bad ki nongialam ki ba la duwai bad pyntngen ia ngi hapdeng ki ummat bad ki jingsngewsih.

La pyntngen ia ngi da ki khubor sngewlem ba ngi la iohpdiang na ki paralok ba ju ia pule lem bad i na KJP Higher Secondary School, Jowai, MNR Medical College, Hyderabad bad ki khubor ki ba ngim lah niew shuh ba ngi la ioh pdiang lyngba ki social media.

Ka jingsngewnguh ka kyrsoi ha ki dohnud ki jongngi na ka bynta ka jingpynshngain bad jingpyntngen ka ba ngi la ioh pdiang na ki kur ki kha, ka kur Nongpluh bad ka kur Tariang, ki paralok parajor bad ki jan iing jan sem ki ba ngim lah shuh ban jer kyrteng i wei pa i wei.

Khublei shibun bad ngi duwai ba u Blei un iai kyrkhu ia phi ha ki por baroh.

‘Ha kaei kaei baroh to phin ai ka jingainguh: namar kane kein ka long ka mon u Blei ha u Khrist Jisu sha phi’ (2 Thessaloni 5:18)

Na u kpa, ka kmie, ki para bad ki ba ha iing ha sem baroh