Jingmaham ban husiar haba jur lyer bad leilieh
Ka Disaster Management Authority, West Jaintia Hills District kala pynmih iaka jingmahm ban kyntu ia u paidbah ban shim iaki lad jingiada haba jur ka lyer bad u leilieh.
Ka jingpynbna kala kyntu ia baroh ki nongshong shnong ba kidei ban long kiba phikir bha ha ka por bajur lyer ban lait na kano kano ka jingmynsaw khamtam ha ba iadei bad ka jingpluh ding bad ruh ban peit bha ia ki wire tan ding elektrik ha ïing.
La bthah ruh ban khmih bad pynskhem bha ia ki tiar ki tar kiba lah ban shah rong ha ka lyer kum ki thup dieng, ki tin sop lane mawit ba shong synjor, ki tin/ sop theh nuit, ki sign board bad kiwei kiwei ki mar kiba lah ban shah rong ha ka por bajur lyer.
Lada ka jingba leilieh ka long kaba jur bad neh slem kan bha shibun ban nym pyndonkam ne ban pynmeh ia ki tiar elektrik kum ki mobile, isteri, radio, telebision bad kiwei kiwei ki tiar kiba pyndonkam da ka bor elektrik.
Facebook
Instagram
Youtube
Twitter
Leave a Reply