Jan dap ar bnai khlem bording ka shnong Padubah

Syllad | The Rising MeghalayaJuly 3, 2022

U Waheh Shnong Padubah, Ma N Pohthmu ula ong ba ka shnong Paduhbah mynta la jan dap ar bnai ka khlem ioh bording shuh bad ki hap bad shong haka jingdum manla ka miet bad kane ka jia long tang n aka daw ba duh u transformer.

Kane ka shnong ha hap hapoh Amlarem Sub Division bad kala shah ktah haka jinglip bording naduh u bnai Jymmang.

Bun bun sien kum ki nongialam shnong kla leit mih sha ka ophis jong ka MeECL, hynrei haduh mynta mynne ki nongtrei ka MeECL kim shym la wan maramot satia ia une u transformer, la ong u ma Pohthmi haka jingialang paidbah kaba la khot da ka FJKGP War Jaintia Circle ryngkat bad FKJGP West Jaintia HIlls.

Une u nongialam shnong u kren bynñiaw bad buh jingkylli hato ka iapher mo ka rukom siew bai bording bad pisa ha ki jaka sor bad nongkyndong. Ula ong ba u lyngngoh ba ha sor tang shu duh light tang shi sngi ne ar sngi la dei ba duh u transformer ne sniew ka line ding ki marmot mar mar, katba kane ka shnong la jan dap 2 bnai ka MeECL kala leh bymsuidniew ban maramot bad pynioh bording ia ka shnong.

U Bahshlur Mukhim president ka FKJGP War -Jaintia Circle ula kyntu iaka MeECL ban maramot mar mar ia u transformer jong kane ka shnong bad ban pynioh iaka hok ki nongthang bording. Ula ong ba kane ka jinglip light ka ktah lut ia ki kam ki jam jong ki paidbah, bad khamtam eh ha kum kane ka por eksamin shiteng snem jong ki khynnah skul.

Kiwei kiwei kiba kren ki kynthup ia u Secretary Shnong u Ma C.Pohshna, u Wompher Wann Organising Secretary FKJGP West Jaintia Hills, Nabait Ymbon president FKJGP West Jaintia Hills bad kiwei kiwei.

Ka FKJGP kala dawa naka MeECL ban maramot mardor ia u transformer bad ban pynioh bording ia akne ka shnong bad kyntu ruh ia u MLA ka thain Lahkmen Rymbui ba u dei ban shimkhia ban peit iaka jingeh ka shnong.

Ha kawei pat ka khubor, ka shnong Pdengshakap ruh ka mad ia ka juh ka jngeh ha kaba mynta la ar bnai tam kam ioh bording.