Jam semifinal ka Wahiajer Narpuh bad ka Shilliang Umshong haka 1st Division kla EJHDFA

Syllad | The Rising MeghalayaNovember 9, 2024

Ka Shilliang Umshong SC bad Wahiajer Narpuh YSSC kila lah ha kaban pynthikna ialade ban buh jaka haka kyrdan semifinal hadien ba kila jop iaka Jalyiah bad ka Rymbai Wahshnong haka jingialehkai quarterfinal jong ka 1st Division Football Tournament kaba pyniaid daka East Jaintia Hills District Football Association (EJHDFA) kaba long ha madan artificial turf kaba long ha Diengshynrum haka 9 tarik Naiwieng.

Ka Shilliang Umshong SC kala pynliem iaka Jalyiah United da 5-2. Ka sap ba tbit jong u Henjoymang Khongsai kala pynlong ia u ban ioh thep lai kol ne ka hattrick kiba la wan ha ka minit kaba 31, 83 bad 90 bynrap sa ka kol u Lhunminthang Thauthang 46′ bad u Besterly Ksih 44′.

Katba iaki kol jong ka Jalyiah United SC la thep da u Hamran Siangshai 7′ bad Wansalan Dkhar 53′.

Haka jingiakhun kaba bud, ka Wahiajer Narpuh kala pynliem iaka Rymbai Wahshnong SC da 4-1 da ka tie breaker. Ka jingiakhun haka por kaba la buh kala kut da kaba iakhaid mar 2-2.

Iaki kol jong ka Wahiajer Narpuh la thep da u Any Manner 37′ bad Justme Ryngkhlem 45′, katba iaki kol jong ka Rymbai Wahshnong SC la thep da u Meaibanteibok Dkhar 25′ bad Ronaldo Poit 81′.