Jam sa ka Lumshnong bad ka Dkhiah West sha ka semifinal 3rd Div ka EJHDFA

Syllad | The Rising MeghalayaOctober 10, 2024

Ka Lumshnong YWSC bad Dkhiah West kila jam sha ka kyrdan ialehkai semifinal haka lympung ialehkai 3rd Division Football Tournament kaba pyniaid da ka East Jaintia Hills District Football Association (EJHDFA).

Kane kala wan hadien ba kila jop haka jingialehkai quarterfinal kaba la long ha madan artificial turf ha Diengshynrum, Khliehriat haka 10 tarik Risaw.

Baroh ar tylli ki jingiakhun la rai iaka namjop jong ki da ka tie breaker hadien ba ki jingiakhun kila kut da kaba iakhaid.

Ka Lumshnong YWSC kala pynliem iaka Wapung Shnong SC da 3-1. Katba ka Dkhiah West kala pynliem iaka Lakadong Ummat SCC 5-4.

Kumta kaba sah mynta ka long ba kine ki kynhun kin mih madan ban bteng pat iaka jingiakhun semifinal haka 12 tarik Risaw.

Ka semifinal kaba nyngkong kan long hapdeng ka Moopyniein SCSO pyrshah iaka Lumshnong YWSC haka por 12:00 baje mynsngi. Ka semifinal kaba ar kanlong hapdeng Tuberkmai shnong SSC pyrshah iaka Dkhiah West SC haka por 2:30 baje nohphai sngi.