Jam noh ka Subroto Cup sha ka pre quarter final ha Jowai

Syllad | The Rising MeghalayaJune 24, 2023

Ka lympung ialehkai football ki khynnah skul- ka District Level Subroto Cup kaba pyniaid da u District Sports Officer, West Jaintia Hills kala jam noh sha ka pre quarter final hadien bala kut ka jingiakhun ka wat kaba nyngkong ha Kiang Nangbah Stadium haka sngi Saitjain.

Haba phai sha ka jingiakhun haka Under-14 Boy’s ka All Saints Diocesan Secondary School ka la pynliem da 2-0 ïaka Khimusniang Presbyterian Secondary School.

Ka Riwar Jaintia COG Secondary School ka la pynliem ïaka Seiñraij HS School lyngba ka Tie-breaker 4-3.

Ka Laishnong HS School, Nongbareh ka la pynliem kput ïaka Ladthadlaboh Secondary School da 8-0.

Ka Ummulong Presbyterian HS School kala pynliem 6-0 ïaka Jaintia HS School.

Ka Lumpyrtuh Secondary School ka la pynliem da 3-2 ïaka Rising Hills English School, Mowtyrchiah.

Katba haka kyrdan Under-17 Boys ka Syiem Jingsuk Secondary School ka pynliem da 3-1 ïaka Little Flower HS School, Ummulong.

Kane harum ka dur jong ka jingiakhun pre quarter kaban long haka sngi Nyngkong.