Jam noh ka Second bad Third Div sha kaba wat kaba ar, yn sdang sa ka Under-16 ka EJHDFA

Syllad | The Rising MeghalayaAugust 26, 2023

Ka lympung ialehkai football kaba pyniaid da ka East Jaintia Hills District Football Association kala jam noh sha ka quarter final haka second division bad ka third division sha ka round-16 kaba la neh mynta la shibnai lynter ha madan artificial turf ha Diengshynrum, Khliehriat.

Baroh ar tylli kine ki kyrdan ialehkai kin sdang biang iaka jingialehkai naduh ka 5 tarik bnai Nailur.

Ka EJHDFA kala pyntip ba ka Under-16 Football Tournament kan sdang naduh ka taiew ba wan, kata 28 tarik Nailar.

Haba phai sha ka jingiakhun kaba khatduh jong ka second division, ka Diengshynrum kala jop da 3-1 iaka Ladrymbai Dongwah. Nakaliang ak Diengshynrum la thep da Rumi Lyngdoh marwei ula thep ar kol 43′, 78′ bad shikol da u Bewithus Sympli 74. Shikol ka Ladrymbai Dongwah la thep da u Promi Tariang 8′

Kawei pat ka jingiakhun ka Pamrakmai kala jop 1-0 iaka Iongkaluh Wahsder. Ia kane ka kol la thep da u Nirmal Dkhar 80′

Katba ka jingiakhun hapdeng ka Umlynsha Youth SSC bad ka Jalyiah United SC kala wai khlem don mano mano ba ioh pynkhih jar.

Da kane ka namjop ka Diengshynrum bad ka Ladrymbai kila wan nyngkong ba ar haka miej iakhein poin haka Pool B, ka Pamrakmai na ka Pool C kala wan ba ar bad ka Jalyiah bad ka Umlyngsha na ka Pool D kila buh jaka ialade sha ka quarter final.

Kine harum ki prokram ialehkai bad jingioh khur poin ki kynhun haka Second bad Third Division jong kane ka aiom ialehkai.