Jam noh ka First Division Football ka EJHDFA sha ka quarterfinal, hiar Second Div 4 kynhun

Syllad | The Rising MeghalayaOctober 10, 2023

Ka lympung ialehkai First Division Football Tournament kaba pyniaid daka East Jaintia Hills District Football Association (EJHDFA) kala jam noh sha ka quarterfinal hadien bala kut noh ka jingialehkai jong ka wat kaba nyngkong haka sngi ba Ar ha madan ialehkai artificial turf ha Diengshynrum.

Ha kane jingialehkai kaba khatduh jong ka wat kaba nyngkong, ka Rymbai Synrang Shahkhain, Khliehriat West, Wahiajer NYSSC, Rangad kila lah ha kaban pynthikna ialade ban buh jaka haka quarterfinal. Saw tylli tylli kiwei pat ki kynhun kiba la rung sha ka quarterfinal ki kynthup iaka Ladrymbai B, Tpepswer, Chiehruphi bad ka Byndihati.

Katba saw kynhun hadien ka jingbym shym la lah ban ialehkai bha, kila hap ban hiar sha ka second division football tournament haka aiom ialehkai ka ban wan. Kine ki kynthup iaka  Musniang Sc, Pamrapaithlu, Rymbai Pohskur bad ka Lumputhoi.

Habaphai sha ka jingialehkai, ka jingialehkai hadpeng ka Rymbai Synrang Shahkhain pyrshah iaka Pamrapaithlu SC kala wai khlem don mano mano ba ioh pynkhih iaka jar.

Ka jingialehkai kaba khatduh, ka Khliehriat West FC kala pynlem da 3-1 iaka Lumputhoi SC.

Na kaliang ka KHliehriat West ia kine ki kol la thep da u Jasmine Tlang 4’, 10’ bad Silgrak Pala 43’. Shikol ka Lumputhoi la thep da u Rishan Lyngdoh 17’.