Jam noh ka 2nd Division Football Tournament ka WJDSA sha ka quarterfinal

Syllad | The Rising MeghalayaSeptember 30, 2024

Ka 2^nd Division Football Tournament – ka 7^th Debo Shullai Memorial Trophy kaba pyniaid da ka West Jaintia District Sports Association (WJDSA) kala jam noh sha ka quarterfinal kaban sdang lashai ka sngi 1 tarik Risaw ha Kiang Nangbah Stadium.

Ka jingialehkai quarter final kaba nyngkong kan long hapdeng ka Nangbah Dukhu pyrshah iaka Mukhla Umlangshor, kaba ar kan long hapdeng ka Chilliangraij pyrshah iaka Lion Sports Youth Affair. Kine ki jingiakhun ki long haka por 12 baje mynsngi bad 2:30 nohphaisngi.

Haka 3 tarik Risaw, ka Panaliar kan aireng pyrshah iaka Rising Sun Mukhla bad ka Lumbhahdakha Wahiajer pyrshah Madankynsaw Mawkyndeng.

Ka jingiakhun semifinal kan long haka 7 bad 8 tarik Risaw bad ka final haka 12 tarik Risaw.

Haba phai sha ka jingialehkai kaba khatduh, ka Iawmulong Nartiang kala jop da 3-1 iaka Lutituber Ialong. Ia kine ki lai kol ka Iawmulong Nartiang la thep da u Mechanki Synnah (55, 63) bad u Heinipaia Phalangki (78). Iaka shikol ka Lutituber la thep da u Glayment Pale (15).