Jam ka YC Pdengkarong sha ka semifinal ka Super Division ka ASSA

Syllad | The Rising MeghalayaJanuary 21, 2025

Ka YC Pdengkarong kala jam noh sha ka semifinal hadien ba kala pynliem da 2-0 iaka Jarain haka eliminator round kaba long ha madan Lad Japlem haka 20 tarik Kyllalyngkot.

Ia kane ka lympung la pyniaid da ka Amlarem Sub-Divisional Sports Association (ASSA).

Ia kine ki ar kol ka Pdengkarong la thep da u Johnsing Mukim marwei haka minit kaba 29 bad 45. Da kane ka namjop ka Pdengkarong kan aireng haka semifinal kaba ar ban pynthikna ban ioh rung sha ka final.

Ka semifinal kaba nyngkong kan long haka 21 tarik Kyllalyngkot hapdeng ka Amlarem SC pyrshah iaka Seinbhalang Shkentalang. Kiba rem na kane semifinal kin aireng pyrshah iaka Pdengkarong (semifinal kaba ar), kaba jop kan rung syndon sha ka final.

Ha kawei ka jingialehkai semifinal haka kyrdan lower division, ka Padu Mawsku kala jop da 1-0 iaka Shkenpyrsit. Ia kane ka kol la thep da u Pyrtajam Pohshna  haka minit 79 kaba la biang pura iaka ban rung sha ka final