Jam ka Super Division ka WJDSA sha ka semifinal, jop Ladthadlaboh iaka Shangpung Lumiawmushai

Syllad | The Rising MeghalayaNovember 30, 2023

Ka Super Division Football Tournament kaba pyniaid da ka West Jaintia District Sports Association (WJDSA) kala jam noh sha ka semifinal ka ba la buh ba kan long haka 4 tarik Nohprah.

Ha ka jingiakhun kaba khatduh kaba long ha Kiang Nangbah Stadium haka sngi Palei, ka Ladthadlboh kala jop da 5-0 iaka Shangpung Lumiawmushai.

U Banteilang Shylla ula kylla long u namtam ha kane ka jingiakhun ha kaba marwei ula khyrwit saw kol kiba ula thep haka minit kaba 56′, 70′, 72′, 90’+3 bad shikol la thep da Daunisakhiat Dkhar 8′.

Da kane ka namjop ka Ladthadlaboh kala wan haka kyrdan kaba hakhlieh duh haka miej iakhein point bud sa ka Sailung Ialong, Niawa Wasa bad ka Nangbah Mulang. Katba ka Khimusniang bad ka Mynthong kila hap ban hiar noh sha ka kyrdan First Division.

Ka Demthring ka lahduh ka First Division bad ka lahduh ba ar ka Wahiajer kin ialehkai haka Super Division haka jaka ka Khimusniang bad ka Mynthong.

Kumban shu iathuh ba iaka semifinal la pynlong haka dur jong ki 3 tylli ki semifinal, kata ka don ka eliminator bad ka qualifier.

Kaba nyngkong (qualifier) kan long hapdeng ka Ladthadlaboh pyrshah iaka Sailung Ialong haka 4 atrik Nohprah haka por 1 Pm. Kaba ar (eliminator) ka Niaw Wasa bad ka Nangbah Mulang kan long haka 5 tarik haka por 1 Pm. Kaba lai pat ka long ka kynhun kaba rem naka qualifier kan aireng pyrshah iaka jop na ka eliminator haka 9 tarik Nohprah haka por 1 Pm.