Jam ka Mowkaiaw CYC sha ka final haka District Cricket League ka WJHDCA

Syllad | The Rising MeghalayaMay 16, 2025

Ka Mowkaiaw CYC kala jam sha ka final haka jingialehkai District Cricket League ka WJHDCA hadien ba kala lah ban pynliem da 14 run iak West Jaintia Polce haka jingialehkai semifinal kaba long ha Khliehtyrshi haka 15 tarik Jymmang.

Haba tied nyngkong ka Mowkaiaw kala kamai 101/8 na ka over.

U Todan Rymbai u la tied 22 run u Kitboklang Lyngdoh 21 run bad u Bundaki Lynthong20 run. Katba na ki nongkawang ball ka West Jaintia Police u Dabiang Marwein bad u Loverist Langbang, kila khur mar ar wicket.

Haba beh iaka thong kaba 101 run, ka West Jaintia Hills kala shem jingeh ban ioh kamai run na ka jingbit ki nongkawang ball ka Mowkaiaw bad haduh ba kut ka jingialehkai kala kamai 87/9 naka over.

Tang lai ngut ki nongtied ka West Jaintia Police kiba kamai ar dak jingkhein bad uba bun eh dei u U Bishal M Sangma 17 run. U Sanvert B Kurkalang bad u Kitboklang Lyngdoh kila khur mar lai wicket napdeng ki nongkawang ball ka Mowkaiaw.

U Kitboklang Lyngdoh ula khur iaka nam man of the match

Ka jingialehkai semifinal ba ar kan long ha ka 17 tarik hapdeng ka Ummulong SC pyrshah ia ka Mupliang SC ha ka por 8:30 am.