Jam ka Lamyrsiang sha ka final haka Super Div ka Saipung BSA

Syllad | The Rising MeghalayaDecember 17, 2024

Ka Lamyrsiang kala jam noh sha ka kyrdan final haka Super Division Football Tournament kaba pyniaid da ka Saipung Block Sports Association (SBSA) hadien kala lah ban pynliem da 2-1 iaka Mulait Utd haka semifinal kaba long haka 17 tarik Nohprah.

Ia kine ki ar kol ka Lamyrsiang kala thep lyngba u Teiwanmi Bareh (10) bad u Jefferson Surong (66). Shikol na kaliang ka Mulait United la thep da u Dapynioki Dkhar (76).

Ka Lamyrsiang kaba la tam shakhmat da ar kol, kala pynlong iaka Mulait ka lahduh arsien kynthih (2022-23) ban shem jingeh ban beh iaka thong bad hap ban pdiang iaka namrem.

Ka Lamyrsiang da kane ka namjop kan aireng pyrshah iaka Jalaphet Mochut Pyrdung haka final ban iaknieh iaka nam lahduh mynta ka aiom ialehkai.