Jam ka 3rd Division Football ka EJHDFA sha ka wat kaba ar

Syllad | The Rising MeghalayaJuly 15, 2025

Ka lympung ialehkai jong 3rd Division Football kaba pyniaid da ka East Jaintia Hills District Football Association (EJHDFA) hadien ba la kut ka jingialehkai league haka sngi Nyngkong, kala jam noh pat sha ka wat kaba ar kaban sdang naduh 18 tarik Naitung.

Ki kynhun kiba la rung sha ka wat kaba ar ne knockout stage ki kynthup na ka Pool A- Narwan SC, Pool B-Youngstar SSC Huroi, Pool C- Tongseng YSC, Pool D-Tuber Shohshrieh SC, Pool E-Moolang SC, Pool F-Suchen Lumiarain SC, Pool G-Umrasiang United SC.

Katba ka Rymbai Pohskur SC kala rung na ka Pool H, Pool I-Moonongtdu SC, Pool J-Musniang Rim SC, Pool K- Musning Youth SC, Pool L-Wahsanphaw SC Sohkymphor, Pool M-Rymbai SYWO, Pool N-Lumshyrmit SCSC, Pool O-Lama Youth SC bad na ka Pool P- Cham Cham SC .

Haba phai shaka jingialehkai kaba khatduh jong ka League haka 14 tarik Naitung ha madan artificial turf Diengshynrum ka Lama Youth SC kala pynliem iaka da 1-0 iaka Borghat SCSC lyngba ka kol ba la thep da u Poimi Suiam (65).

Katba ka jingialehkai kaba bud, ka jingiakhun kala kut da ka jingiakhaid kaba mar 1-1 hapdeng ka Nongthymme SC pyrshah iaka Cham Cham SC.

Iaka kol jong ka Cham Cham SC la thep da u Raymon Phawa (42), katba iaka kol jong ka Nongthymmai SC la thep da u Mewanjop muksor (54).

Ka jingialehkai kaba nyngkong haka wat kaba ar kan long hapdeng ka Youngstar SSC Huroi pyrshah iaka Tuber Shohshrieh haka por 12.15 baje mynsngi. Ka Narwan SC pyrshah iaka Tongseng YSC haka por 3.00 baje nohphai sngi.