Jah u rangbah ba shong ba sah ha Umpling Dong Sharum na Sohrarim

Syllad | The Rising MeghalayaJuly 17, 2025

Uwei u rangbah uba la tip kyrteng kum u Anthony Lurshai Dohling, 39 snem rta uba dei u khun jong I Kong Lucia Mary Dohling ba shong ba sah ha Umpling Dong Sharum, Shillong, u la jah rngai na Sohrarim naduh ka 8 tarik Naitung 2025 bad ym pat shym la lapdien haduh mynta.

U Superintendent of Police ka East Khasi Hills u pyntip ba une u rangbah uba jah rngai u don ka rynieng kumba 5.4 phut, uba pdeng met bad uba don ia ka sur kren kaba eh bad u don ia ka jingdro tatoo na ka kti ka diang bad u phong da ka jaket bad patlun iong bad ka juti Woodland rong khaki.

Kumta la kyntu ia kino kino kiba iohi ne don jingtip ha kaba iadei bad une u rangbah kin sngewbha ban phone shapoh Police Control Room: 6009196479, Sohra Police Station 6009331929, In-Charge Missing Desk 8837282114.