Jah rngai u rangbah ryngkat ka kali katba dang thmu leit theh petrol

Syllad | The Rising MeghalayaSeptember 29, 2023

Uwei u rangbah uba kyrteng u Justin Sohphoh 54 snem rta u la jah rngai noh na la iing naduh ka 16 tarik mynta u bnai na ka shnong Akonggre, Tura ha ryngkat ka kali private kaba don ia u No MLO5 Y 7258

Katkum ka jingiathuh da kiba haiing la ong ba u Bah Sohphoh u la mih na la iing da ka jingthmu ban leit theh umphniang na petrol pump hynrei naduh katei hi ka sngi um shym la wanphai shuh.

Ha kaba nyngkong ka kurim jong u ka la phone sha ka khun kaba sah ha Shillong da ka jingtharai ioh ba u wan sha Shillong, bad ha ka 19 tarik mynta u bnai na ka liang kiba haiing hasem na Sakwang, South West Khasi Hills ruh ki la leit sha Tura ban wad jingtip hynrei ym shym la lapdien satia.

Kumta ha ka 20 tarik mynta u bnai na ka liang ka kurim bad ki khun ki la ujor noh da ka FIR ha Tura PS.

Kumta la kyntu ba lada don kiba iohi ne don jingtip ha kaba iadei bad une u rangbah kin sngewbha ban phone sha kine ki nombor: 9863389561, 6909030952, 6909643618, 9436363922.