Iohkem ka VDP Bakur ia ki 3 ngut suba nong Bangla, ki don ia u Aadhaar
Ka Village Defence Party (VDP) ka shnong Bakur kila ioh ban kem ia ki lai ngut ki suba nong Bangladesh haka miet 15 tarik na madan football ka shnong Bakur, West Jaintia Hills District.
Ia kine ki lai ngut la ithuh ia ki kum u Md Sujon (28 snem), Abdul Mannan (17 snem) bad u Md Sujon (38 snem).
La iathuh ba kine ki lai ngut ki khar Bangla, la kynnoh ba ki phrung tuh na ka madan football da ka jingthmu ban leit sha Guwahati, Assam.
Na kine ki lai ngut la kurup iaki Aadhaar Card bad ka jaka sah ka paw ba ki dei na Hatipara, Nagaon District, Assam.
Halor kane na kaliang u Waheh Shnong Bakur Ma Wesper Lamin ula mudui da ka jingujor ejahar ha Dawki Police Station pyrshah ia kine ki lai ngut ki suba nong Bangladesh. U Ma Wesper ula kyrpad iaki bor jong ka ain ban shimkhia ban pynshitom iaki katkum ki kyndon jong ain namar lada ki nong Bangladesh ki ioh lad ban wan rung kyrthep shapoh u pud u sam ri kan buh jingma iaki nongshong shnong bad ka shongsuk shongsain jong ka shnong.
Facebook
Instagram
Youtube
Twitter
Leave a Reply