Ioh tam ia ka metiap i khunlung kaba per hapoh Wah Umkhrah

Syllad | The Rising MeghalayaDecember 13, 2023

Ka kynhun jong ka Search and Rescue jong ka tnad Fire and Emergency Service haka 13 tarik Nohprah ryngkat ki bor pulit ka Mawlai PS ki la leit ban shimti noh ia ka metiap jong iwei i khunlung kaba per hapoh Wah Umkhrah, Shillong.

Ka video kaba iadei bad kane ka jingjia ka la saphriang ruh lyngba ki social media ha kaba ki la mih ki jingkynthoh kiba jur pyrshah ia ki kmie ki kpa jong ine i khunlung ia iba ym pat lah ban tip la i dei i kynthei ne shynrang. Na ka liang ki pulit ki la sdang ban pynlong ia ka jingtohkit halor kane.

Ka la don ruh ka jingsuba jur ba ine i khunlung i dei iba dang shu kha bad iba la shah bret dusmon ha la ki jong ki kmie kpa ki bym lah ban tip ki dei kiei.

Ia kane ka metiap jong ine i khunlung la pynkit noh shapoh Civil Hospital Shillong ban leh ia ka post mortem.