Ioh takma rnong u Blaseibok Kharbuli & u Pynnehbor Mylliemngap na ka IFMA World Championship
Ar ngut ki samla ialehkai martial arts ka Jylla, u Blaseibok Kharbuli bad Pynnehbor Mylliemmngap kila ioh khur takma rnong (bronze) ia Ri India na ka lympung ialehkai IFMA Senior Muaythai World Championship 2022 kaba long ha Abu Dhabi naduh ku bnai Jymmang 26 tarik haduh Jylliew 4 tarik.
U Blaseibok, ula iakhun na ka kyrdan Under-23 male haka jingkhia kaba 48 KG bad u Pynnehbor Mylliemngap haka kyrdan Senior Male Elite 48 KG.
La iathuh ba kine ki ar ngut kila ialehkai bha ha kane ka lympung bah ka ialehkai Muay Thai bad kila lah shisha ban pynpaw iaka sap ialehkai ba tbit jong ki ha kane ka jait ialehkai wat la ki wan na kane ka jylla kaba ym pat paw bha kane ka jait ialehkai.
Kiwei kiwei ki nongialehkai kiba mihkhmat iaka ri kila ialehkai bha, hynrei kim shym la ioh iaka jingjop.
Na kane ka lympung ka Thailand kala ioh 5 tylli ki takma ksiar, 4 rupa bud sa ka United Arab Emirates kaba ioh khur mar 4 takma ksiar bad rupa bad 3 ka rnong. Ka Malaysia kala wan haka kyrdan kaba lai hadien ba ka ioh khur 4 ka takma ksiar, kawei ka rupa.
Ka ri India kala wan haka kyrdan kaba 35 na padeng ki ri kiba iakhun ha kane ka lympung.
Facebook
Instagram
Youtube
Twitter
Leave a Reply