Ïoh rah ka Vulcans ïaka 1 lak tyngka haka 1st Tennis Ball Knockout Cricket ka Ïatyllilang Sports Club

Syllad | The Rising MeghalayaJanuary 29, 2022

Ka kynhun ialehkai jong ka Vulcans kala ioh ba kan rah ia ka nam lahduh jong ka iakob ialehkai kriket, bala tip ia ka kum ka 1st Tennis Ball Knockout Cricket Tournament, ba la pyniaid ia ka da ka Iatylliang Sports Club bad kaba la iarap ban kyrshan pisa da Samkhamti.

Ha ka jingiakhun ia ka phainal kaba la long ha madan ialehkai ha Mawlai Mawroh, ka kynhun  Vulvcans kala lah ba kan pynliem noh ia ka Striker XI da 60 run.

Ha kane ka jingiakhun, ka Vulcans kaba la jop ia ka jingkynting pisa ne toss beit beit ka la kam trai ba kan tied nyngkong, ha kaba ka la lah ba kan kamai 134 bad hap noh 6 wiket na ki 12 ober.

U nongtied ba la lah ban kamai bun ron dei ui Krishan 47 ron bad u Kenny 36 ron, katba na ka liang u nongkawang bol jong ka Striker XI u Manas u la ioh ban khur 3 wiket na ki 3 ober bad ai 12 ron.

Haba la dei pat ka pali ban wan ban beh ia kane ka thong, ka kynhun ki nongtied (batsman) jong ka Striker XI ki la lah ban kamai tang 74 ron ron hadien ba ki la lap ba hap noh baroh ki wiket ki jong ki ha ka 11 ober.

Ki nongtied ka Striker XI ba la lah ban kamai bun ron ki long u Deepak 21 ron bad u Roof 13 ron, katba u nongkawang bol ka Vulcans uba la ioh ban khur bun ki wiket dei u Sanverts Kurkalang uba la ioh ban khur 5 wiket na ka bynta 15 ron na ki 3 ober.

U Kongsan ba la don ban sakhi lang ia kane ka jingialehkai phainal dei u bah Samborlang Diengdoh, ha kaba u la ioh ban sam ia ki takma ka trophy bad ka song pisa sha ki nongjop.

Ha kane ka kynti iakhun, na ka liang ki bor pyniaid ki la ai ruh ia ka song pisa kaba long Shi Lak tyngka ia ka kynhun ba la rah ia ka nam lahduh, katta sha ka Vulcans bad kaba la shah rem noh ha ka phainal ka Striker XI ka la ioh ba kan khung ia ka song pisa kaba long Sanphew hajar tyngka.

Nalor katta la sam ruh ka ka khusnam man of the Match ha ka phainal kaba la leit sha u  Kenny Wann bad ka nam Man of the Series la hap ban ia sam noh hapdeng da ki anrgut ki rang ialehkai katta da u Vishal ban Ranjit bad ka nam Best Bowler ka leit sha u Sanvert Kurkalang, uba la ioh ban khur haduh 13 tylli ki wiket ha baroh shi bynta jong kane ka jingiakob ialehkai.