Ïoh rah biang u Larry Mukhim ïaka ïakop niah kali ka EJAMSA

Syllad | The Rising MeghalayaFebruary 17, 2020

KHLIEHRIAT: Ka East Jaiñtia Adventure Motorsports Association (EJAMSA) kala pynlong ïaka ïakop niah kali kaba la tip kum ka ‘7th Sprint Challenge 2020’ bad ha kane ka kynti u Larry Mukhim ula ïohrah biang ïa ka nam lahduh, kaba ula ju rah nam lahduh teng haki snem kiba mynshuwa.

Kane ka jingiakop kala long haka 15 tarik une u bnai ha Jalyiah Lad Rymbai Bypass, East Jaiñtia Hills District.

Haka Cars Categories nalor u Larry, uba wan nyngkong ïaka nam ba ar la rah da u Lieh Lamare bad balai da u Babit Lyngdoh. Katba haka SUV Categories la wan ba ar da u Ralph Nongpyiur bad balai da u Aneesh Sangma.

Ha ka kyrdan Rookie Category u Juhbaitki Shylla ula long u lahduh, ba ar u Dameriki Paslein bad b alai u Dachanmi Pariat. Na ki kynthei ka Febronia Pajat bad ka Wanhunlang Rynjah kila long ki lahduh nyngkong bad ba ar.

Hakane ka kynti ki don haduh 58 ngut ki nongiashim bynta kiba wan na kylleng ki jaka. La sam ïaki khusnam da u Viceroy Alson Nongtdu, Phasmon Dkhar, MDC JHADC, Thomas Nongtdu, Topas Lapasam bad ka Simi Khongtiang ryngkat bad ki nongkitkam jong ka EJAMSA.