Ioh pyllait ki BSF haduh 56 tylli ki masi ba thmu shalan beain sha Bangladesh

Syllad | The Rising MeghalayaOctober 14, 2023

Ki shipai Border Security Force (BSF) ka Meghalaya na ka 172 Bn ki la ioh ban pynpulom noh ha kaba iadei bad ka jingthmu jong ki runar ban shalan beain ia ki 56 tylli ki masi lyngba ki jaka khappud ka jylla shapoh Bangladesh.   

Ha kane ka jingjia kaba la jia ha kine ki 48 kynta ba la dep ki shipai BSF sa shisien pat ki la lah ban khanglad ia kane ka kam khaii masi beain lyngba ki jaka khappud kiba hap hapoh East Jaintia Hills.     

Hadien ba la ioh ia ka jingtip kaba bniah, ki BSF ki la phah pynieng noh ia ka kali kaba wan marpyrshah hapoh ka jingkieng ha Sonapur East Jaintia Hills, hynrei na ka liang u nongniah u la phetkrad sha ki bynta jong ka thain Umkiang.       

Hadien ka jingbeh thong ki shipai ki la lapdien ia kne ka kali kaba kit ia kine ki masi, hynrei u nongniah jong ka kali ula phet krad noh na kane ka jaka da kaba shim kabu   namar ka jaka kaba long khlaw bad hapdeng ka jingdum.       

Kumta na ka liang ki BSF ki la ioh ban kurup noh ia ki 35 tylli ki masi ia kiba la shu thep thynnian hapoh ka kalai, bad hadien la aiti noh sha ki bor pulit hapoh Umkiang na ka bynta ban leh shuh shuh ia kaba donkam.             

Ha kawei pat ka jingkhynra ki BSF na ka 172Bn ki la ioh ban kurup biang sa 21 tylli ki masi ia kiba la buhrieh ha ka jaka khlaw ha ki bynta khappud ia kiba la thmu ban shalan beain shapoh Bangladesh.