Ioh pdiang Riiohlang iaka khusnam Assistant Referee of The Year na ka AIFF

Syllad | The Rising MeghalayaMay 2, 2025

Ka Riiohlang Dhar ka la ioh ba kan pdiang syndon da ka khssnam Assistant Referee of The Year ba la ai sha ka da ka synjuk All India Football Federation (AIFF). Kane ka dei ka sien kaba nyngkong ba ka AIFF kan sam ia kum kane ka khusnam sha ki referee bad kumjuh ki assistant referee kynthei jong ka ri.

Ia kane ka khusnam ka Riiohlang ka la ioh pdiang ha ka jingialang kaba la long ha Bhubaneswar

Nalor ka Riiohlang, kiwei pat ki referee ba la ioh pdiang ia kane ka khusnam ka kynthup ia ka Tekcham Ranjita Devi kaba la ioh ban pdiang ia ka Female referee of the year.

Katba na ka liang ki shynrang referee of the year ka leit sha u Venkatesh R bad u Viramuthu R ula ioh ia ka khusnam assistant referee of the year.

Kum ka referee ka Riiohlang ka la lah ha kaban paw bad tyngshain ha kane ka kam ka jong ka, tad haduh ba kan da shah jied naka bynta ban iadon bynta ban pyniaid ia ka jingiakhun ia ka semifinal jong ka U17 Women’s World Cup 2024 ba laiakhun hapdeng ka Spain pyrshah ia ka England.

Kumban shu pynkynmaw ba dang shen, ka Riiohlang ka la dep ruh ba kan shah jied  kum kawei napdeng ki phra ngut kiwei pat ki assistant referee kynthei ban don bynta ha kaban pyniaid ia ka semifinal bad final ka lympung ialehkai  AFC Women’s Champions League 2024-25, kaba la buh ban long ha sorbah Wuhan, China naduh ka 21 haduh ka  24 tarik mynta u bnai Jymmang, kaba hangne ruh, napdeng ki assistant referee jong ka India dei tang ka Riiohlang kaba la  ioh ia kane ka kabu ksiar ban shah jied ban don bynta ha kane ka lympung.