Ioh nongkitkam thymmai ka MCPF, neh u bah PT Sawkmie kum u president

Syllad | The Rising MeghalayaOctober 30, 2023

Ka Mawlai Constituency Progressive Forum (MCPF) ka la ioh ban jied ia ki nongkitkam bathymmai jong ka ha kaba la pynneh biang ia u Bah PT Sawkmie kum u President bad u bah Wanseng Jyrwa kum u Working President.

Ha kane ka jingialang ba la pynlong hapoh ka iingsah jong u Bah PT Sawkmie ha Mawlai Nongpdeng la pynneh ia u Bah Frankie Massar kum u General Secretary, u Bah L. Mylliem Umlong kum u Treasurer, bah Homer Kharkongor kum u Adviser nalor kiwei kiwei pat.

Haba ai jingkren ha kane ka sngi u bah PT Sawkmie u la pynpaw ba ki la rai ban pynkhie im biang ia ka Mawlai Constituency Progressive Forum, kaba ju trei shitrhem ha ki por ba la leit bad ba kin trei shitom ruh nangne shakhmat shibynta ban pynkhreh na ka bynta ka ilekshon MDC ka ban sa long ha une u snem 2024.