Ïoh nongkitkam thymmai ka KNTA

Syllad | The Rising MeghalayaApril 13, 2021

Ka Ksehrynshang Namdong Tourist Association (KNTA) kala pynthymmai ïaki nongkitkam jong ka na ka bynta ka samoi treikam kaba lai snem

Ïa ki nongkitkam thymmai la pynskhem da u President ka All Jaintia Tourist & Commercial Vehicle Association u Bah Pailakordor Lyngkot haka jingïalang kaba la pynïaid da u Hoping Phawa President barim jong ka seng haka 9 tarik mynta u bnai.

U Bah Paila Lyngkot haka jingkren ula kyntu ïaki nongkitkam thymmai ban long kiba trei shitom bad ban shakri khambha ïaki paidbah nongleit nongwan kiba shaniah haki kali kamai.

Kiwei de kiba la ai kyntien sneng ki long u Deovalente Tang bad u Mihsalan Dhar kiba dei ki dkhot jong ka All Jaintia Tourist & Commercial Vehicle Association.

Ki nongkitkam thymmai ki long u President Phinroi Surong, Vice president Derick Sumer, General Secretary Oshwa Ryngkhlem, Assistant Secretary Bari Lipon, Treasurer Mimi Jat, Advisor ki kynthup u Hoping Phawa, K Biam bad Dahun Sariang bad lai ngut ki Auditors u Skhem Muruh, Meshak Marak, u K Nongspung bad 10 ngut ki Executive Members.